Клиникийн профессор, тэргүүлэх зэргийн эмч А.Байгалмаа “Хумс байнгын будагтай байна гэдэг нь эрүүл мэндэд эрсдэл дагуулж байна гэсэн үг. Сүүлийн үед манай арьсны ө.вчин судлалын төвийн амбулаториор хумсны гэмтэлтэй хүмүүс маш их ирж байгаа. Энэ нь ялангуяа гоёлын гелен будалттай холбоотойгоор сүүлийн таван жилд хумсны эмгэг өөрчлөлүүд их бүртгэгдэж байгаа” гэлээ.

Гелен будаг арьсны х.орт х.авдар үүсгэдэг гэсэн мэдээлэл олон нийтийн сүлжээнд гарсан. Одоогоор манай улсад гелен будгаас үүсэлтэй х.орт х.авдрын шинж тэмдэг бүртгэгдээгүй байна. Гэхдээ гелен будалт хийхэд болон хиймэл хумсыг салахгүй тогтвортой наахын тулд хүний өөрийн төрөлхийн хумсны толийг үрж гэмтээдэг. Энэ нь яваандаа ямар нэгэн байдлаар ө.вчлөл үүсэх шалтгаан болдог байна.

Маникюрист Д.Мөнхзул “Хүмүүс ихэвчлэн арилгуулаад будуулах нь ихэссэн. Уг нь гелен будалтыг дунд нь хумсаа амраах шаардлагатай гэж үздэг. Хумс зургаан сард нөхөн төлждөг учраас жилдээ 1-2 удаа будах шаардлагатай. Гелен будгийг байнга хийлгэх нь тааламжтай биш гэдэг” гэв.

Гелэн будгаар хумсаа будахгүй байхыг эмч нар зөвлөж байна

Хумс нимгэрээд, ө.вчлөөд ирэхээр дотоод эд эрхтэн ө.вчлөх үндэс болдог байна. Тодруулбал, зарим нэг гелэн будаг хортой бодис ихээр агуулдаг. Тийм учраас гоо сайханчийн ашиглаж байгаа будагны орц зэргийг сайтар уншиж танилцаж байхыг зөвлөмөөр байна, жишээ нь: ибутилфталат, толуол болон формальдегид агуулсан эсэхийг шалга. Эсвэл “хортой гурвал” байгаа юу гэж асуугаарай. Мэргэжлийн хүн юуны тухай асууж байгааг сайн мэднэ. Эдгээр химийн бодис астма, тэр ч бүү хэл х.орт х.авдар үүсгэх аюултай. Мөн гелен будагт хэрэглэдэг УФ-гэрэл аюултай. Ялгарах хорт туяа бага ч гэлээ хуримтлагддаг эд. Гарын арьс хурдан хөгширнө бас х.орт х.авдар тусах магадлалтай гэнэ. Тиймээс шаардлагатай тохиолдолд жилд 1-2 удаа будаж байхыг мэргэжилтнүүд сануулж байна.

Хумс бол хүний арьсны дайвар эрхтэнд тооцогддог. Тэр ч утгаараа тухайн хүнийг хумсаар эрүүл мэндтэй салшгүй холбоотой байдаг байна.

Еeagle.mn

Сэтгэгдэл үлдээх on #Анхаар: Гелэн будаг х.орт х.авдар үүсэх шалтгаан болдог

Хариулт үлдээх

Таны и-мэйл хаягийг нийтлэхгүй.