Монгол Улсын Ерөнхийлөгч Халтмаагийн Баттулга УИХ-ын дарга Г.Занданшатарт албан бичиг хүргүүлж, 2018 онд УИХ-д өргөн мэдүүлсэн Валютын зохицуулалтын тухай хуульд нэмэлт оруулах тухай хуулийн төслийг УИХ-аар даруй хэлэлцүүлж, батлуулах тал дээр шуурхай арга хэмжээ авч ажиллахыг хүслээ.

Стратегийн ач холбогдол бүхий ордуудыг ашигладаг, ихээхэн хэмжээний гадаад валютын орлоготой үндэсний болон гадаадын хөрөнгө оруулалттай компаниудын мөнгөн гүйлгээ, төлбөр тооцоог Монгол Улсын банкаар гүйцэтгэдэг байх, гадаад валютын улсын нөөцийг болон худалдан авах гадаад валютын хэмжээг нэмэгдүүлэх, урсгалыг нь сайжруулах, валютын ханшийг тогтворжуулах, бууруулах зэрэг онцгой ач холбогдолтой Валютын зохицуулалтын тухай хуульд нэмэлт оруулах тухай хуулийн төслийг Монгол Улсын Ерөнхийлөгч 2018 оны аравдугаар сарын 12-ны өдөр УИХ-д өргөн мэдүүлсэн билээ.

Монгол Улсын Ерөнхийлөгчийн өргөн мэдүүлсэн хуулийн төслийг УИХ-ын чуулганы 2018 оны аравдугаар сарын 19-ний өдрийн нэгдсэн хуралдаанаар хэлэлцэн дэмжиж, хэлэлцүүлэгт бэлтгүүлэхээр Эдийн засгийн байнгын хороонд шилжүүлсэн.

Үүнээс хойш 2 жил 2 сар орчмын хугацаа өнгөрлөө. Өнгөрсөн хугацаанд Монгол Улсын Ерөнхийлөгчийн Тамгын газраас хуулийн төслийг 2019 оны Хаврын ээлжит чуулганы хугацаанд багтаан УИХ-аар хэлэлцүүлж батлах тал дээр тодорхой арга хэмжээ авч, идэвх санаачилга гарган ажиллах талаар УИХ-ын Эдийн засгийн байнгын хороонд 2019 оны тавдугаар сарын 30-ны өдөр албан бичиг хүргүүлж байсан юм.

Харамсалтай нь уг хуулийн төслийг эцэслэн батлах, амьдралд хэрэгжүүлэх чиглэлд УИХ-ын гишүүдийн зүгээс идэвх санаачилга гаргаагүй, арга хэмжээ огт аваагүй байгаа бөгөөд цаашид ч энэ байдал үргэлжлэх шинжтэй байна.

Монгол Улсын Ерөнхийлөгч Валютын зохицуулалтын тухай хуульд нэмэлт оруулах тухай хуулийн төслийг УИХ-ын 2017 оны 29 дүгээр тогтоолын 1 дэх хэсгийн 11 дэх заалтад тусгасан “гадаадын хөрөнгө оруулалттай томоохон төслүүдийн хөрөнгө оруулалтын гэрээний үр ашгийг дээшлүүлэх, борлуулалтын орлогыг Монгол дахь банкны дансаар дамжуулдаг болгож улсын валютын нөөцийг нэмэгдүүлэх” бодлогыг хамгаалах зорилгоор Монголбанктай хамтран боловсруулсан. Дээрх заалт батлагдсан өдрөөсөө хойш ердөө 20 гаруйхан хоногийн дараа УИХ-ын 2017 оны 30 дугаар тогтоолоор хүчингүй болсон байдаг.

Мөн Монгол Улсын Ерөнхийлөгч өнгөрсөн онд байгуулагдсан Оюутолгойн хөрөнгө оруулалтын гэрээний хэрэгжилтийг шалгаж, санал дүгнэлт гаргах үүрэг бүхий УИХ-ын ажлын хэсгийн тайланг 2019 оны тавдугаар сарын 29-ний өдөр Эдийн засгийн байнгын хороогоор хэлэлцэх үед “Рио Тинто” компани зэсийн баяжмал борлуулах гэрээгээ Монголын талаас ну.уцалсан, УИХ-ын ажлын хэсэгт гаргаж өгөөгүй зэрэг ноцтой асуудлууд ил болон сөхөгдөж, тухайн үеийн гишүүд Монгол Улсаас гарч буй баялаг, экспортын бүтээгдэхүүний үнэ бодитой эсэхэд болон тус компанийг хөрөнгө оруулагч уу, зээл зуучлагч уу гэдэгт эргэлзсэн байр суурийг цөөнгүй илэрхийлэн, гайхан шуугиж байсан боловч өнөөдөр мартагдсан байгааг албан бичгээрээ санууллаа.

Валютын зохицуулалтын тухай хуульд нэмэлт оруулах тухай хуулийн төсөл нь улс орны хөгжил, эдийн засагт үнэмлэхүй хувь нэмэртэй, голлох нөлөөтэй байгаа ашигт малтмал, уул уурхайн салбарт гарч буй хүндрэл, бэрхшээлийг шийдвэрлэн урагшлуулах боломжуудын нэг бөгөөд хуулийн төслийг хурдан шуурхай баталж, хэрэгжүүлэхэд анхаарч ажилласан бол ард иргэдийн амьдралд асар хүнд дарамт, бэрхшээл болоод удаж буй ам.долларын ханшийг тогтоон барих, бууруулах чиглэлд онцгой ахиц дэвшил гаргах байсан гэж Монгол Улсын Ерөнхийлөгч үзэж байна.

Улмаар Монгол Улсын Ерөнхийлөгч Халтмаагийн Баттулга санаачилсан хуулийн төслийг нь улс төрийн шийдвэр гаргаад хэлэлцэхгүй болгодог, эсвэл чадан ядан дэмжүүлсэн хуулийн төслийг нь батлахгүй дардаг, цар тахлын гамшиг нүүрлэсэн энэ хүнд үед иргэдээ дэмжсэн, хэмнэлттэй, үр ашигтай төсвийн бодлого юу юунаас илүү чухал байгааг сануулж шаардахад элдэв шалтаг, шалтгаан тоочин эсэргүүцдэг байдалдаа Монгол Ардын нам, түүний гишүүдээс олонх нь бүрдэж байгаа УИХ нухацтай дүгнэлт хийж, анхаарахыг зөвлөлөө.

МОНГОЛ УЛСЫН ЕРӨНХИЙЛӨГЧИЙН ТАМГЫН ГАЗАР

Ерөнхийлөгч Х.Баттулга стратегийн ордуудын орлогыг Монголбанкаар дамжуулах хуулийг даруй хэлэлцүүлэхийг хүслээ 11 сэтгэгдэлтэй

11 сэтгэгдэл “Ерөнхийлөгч Х.Баттулга стратегийн ордуудын орлогыг Монголбанкаар дамжуулах хуулийг даруй хэлэлцүүлэхийг хүслээ”

  1. Маш зөв бүрэн дэмжиж байна. Монголын баялагийг зарж борлуулчихаад орлогыг нь гадаадын банкаар зувчуулаж байгаа нь өөрөө гэмт хэрэг мөн. Ингэснээр ямарч хяналтгүй хуйвалдаан болж байгаа шүү. Үүнийг нэн дариу таслан зогсоож зөвхөн монгол улсын дотоодын банкаар гүйлгээ хийх нь зүйтэй. Мөн ерөнхийлөгчид сануулж хандахад Та саяхан ахмадуудын тэтгэвэрийн доод хэмжээг 500 мянган төгрөг болгож нэмэгдүүлэх хуулийн төсөл өргөн барина гэж байсан яасан бэ? Одоогийн ороо бусгаа цагийн аясаар бүх бараа бүтээгдэхүүний үнэ тэнгэрт гартлаа нэмэгдэж бага тэтгэвэртэй ахмад хүмүүс туйлдан ядарч цаашид амь зуухад хэцүү боллоо Ерөнхийлөгчөө ! Хуулийнхаа төслийг өргөн барина уу

  2. Үүүн шиг үнэн зөв бодлого гэж энэ дэлхий дээр хаана ч байхгүй. Ерөнхийлөгч олон улсын онлайн хурал дээр хулхи windows дээр суугаа харагдаж байна гэнэ шүү анхаараарай

  3. ЭНЭ БОЛ МАШ ЧУХАЛ АСУУДАЛ. УИХ-Н ЭДИЙН ЗАСГИЙН БАЙНГЫН ХОРОО САНААТАЙ НУУН ДАРАГДУУЛЖ ЦАГ ХОЖИЖ, ҮҮГЭЭРЭЭ 2017-2020 ОНЫ ХООРОНД ДОЛЛАРЫН ХАНШИЙН ӨСӨЛТӨӨР МОНГОЛ ТӨГРӨГИЙН ХАНШ УНАЖ, ХИЧНЭЭН МОНГОЛ АЙЛЫН ХАРМААГ ХУЛГАЙЛСНЫГ ТООЦОХ АМАРХАН ШҮҮ.
    ХЭРВЭЭ ҮҮНИЙГ ХЭЛЭЛЦЭЖ БАТЛАХГҮЙ БАЙХ АВААС УИХ-Г ТАРААХ, ЗАСГИЙН ГАЗРЫГ Ч ОГЦРУУЛАХ УЛС ТӨРИЙН ШАЛТГААН БОЛНО.

  4. Миний анх санаачилж олон жил ярьж, бичсэн саналыг дэмжиж шийдвэрлүүлэхээр УИХ-д оруулсан явдалд Монгол Улсын Эрхэм хүндэт Ерөнхийлөгч Халтмаагийн Баттулга Танд Монголын дипломат ажилтнуудын үндэсний холбооны хамт олны нэрийн өмнөөс болон хувиасаа гүн талархал илэрхийлж байгааг минь хүлээн авч соёрхоно уу. Миний өөр нэг санал болох гадаадын нэр, нөлөөтэй, найдвартай банкнуудыг үйл ажиллагааг Монголдоо явуулахыг анхааралтай судалж, дэмжиж өгөхийг энэ ялдамд Ерөнхийлөгч Танаас хичээнгүйоэн хүсэж байна. Төлөвлөгч инженер-эдийн засаг, Олон улсын харилцаа, эдийн засгийн гадаад хамтын ажиллагаа судлаач, Төрийн албаны тэргүүний ажилтан, Хүндэт дипломатч.

  5. валютын тухай хууль маш хэрэгтэй энэ хуулийг заавал баталж хэрэгжүүлэх УИХ хариуцах дарга нь шийд...эс биелбэл Даргыг Цэцэд өг.....

  6. өрх бүр гэхээр утгаа алдан а 1 байранд 3 гэр бүл байхад ганц бие хүн олон хүүхэд мөнгө авч буй учир иргэндээ хандсан нь дээр онигоо нугалаа авилгал гаарна шүү

  7. Хулгайчийн газар мөнгөө хадгалахыг хэн хүсэх вэ нэг долоо австри луу гаргаад эзэмшүүлнэ путин ийм шийд гаргаж байсан тэд манайханд итгэхгүй учраас хоёрт гэрээндээ анхнаасаа байгаагүйгээс ямарч боломжгүй юм ярьж поопроаоо болимоор юм тэр офицерийн мөнгө ханцуй шамлаад оруулаад ирнэ гээд байсан яасан вэ

Хариулт үлдээх

Таны и-мэйл хаягийг нийтлэхгүй.